హైదరాబాద్, వెలుగు: ఎంఏ, ఎం.కామ్, ఎంఎస్సీ, ఎంఈడీ తదితర కోర్సుల్లో అడ్మిషన్ల కోసం నిర్వహించే సీపీగెట్ ప్రవేశపరీక్షలు వచ్చేనెల 6 నుంచి ప్రారంభమవుతాయని సీపీగెట్ కన్వీనర్ ప్రొఫెసర్ పాండురంగారెడ్డి తెలిపారు. పరీక్షల షెడ్యూల్ రిలీజ్ చేశారు. పీజీలో మొత్తం 45 సబ్జెక్టుల్లో ప్రవేశాల కోసం పరీక్షలు నిర్వహిస్తున్నట్టు చెప్పారు.
ఈ పరీక్షలు జులై 6 నుంచి 15 వరకూ కొనసాగుతాయన్నారు. ప్రతి రోజూ ఉదయం 9.30గంటల నుంచి 11గంటల వరకూ, మధ్యాహ్నం 1గంట నుంచి 2.30గంటల వరకూ, సాయంత్రం 4.30గంటల నుంచి 6గంటల వరకూ మూడు సెషన్లలో పరీక్షలు ఉంటాయన్నారు. జులై 3 నుంచి హాల్ టికెట్లు డౌన్ లోడ్ చేసుకోవచ్చని వెల్లడించారు.
